VIAXE FIN DE CURSO

E para rematar un curso no que traballamos moito, tódalas nenas e nenos, acompañados dos profes, fomos de excursión a Aquapark, en Cerceda. Foi un día cheo de risas, baños, chapoteos, carreiras e xogos, no que o pasamos estupendamente.
Aquí vos deixamos unha reportaxe fotográfica da xornada tan divertida que vivimos.

Hai moitos anos...

Ás veces o paso do tempo explícannolo algún obxectos: neste caso unha máquina de escribir antiga e un teléfono.
Resultoulles moi curiosa a formar de marcar os números no teléfono (aproveitamos para facer un ditado de números), e na máquina o teclado resistíuselles un pouco cando escribiron os seus nomes.

UN VOLCÁN NA CLASE

É maravilloso contar con familias xenerosas, implicadas e con moitas ganas de motivar ás súas fillas e fillos, e de compartir a súa ilusión coa escola.
Sabemos que cada familia aporta o seu gran de área, de moitos xeitos. Así é a familia de Carla, e agradecémoslles moitísimo todo o entusiasmo que contaxian, non só ás súas fillas senón ao resto da comunidade. Neste caso recibimos a visita de Vanesa, a mamá de Carla, que trouxo ao colexio unha maqueta dun volcán, e deixou aos peques abraiados con dous experimentos que lle deron vida ao volcán durante uns intres.
Aquí vos deixamos as imaxes, e tamén os elementos que se utilizaron para as experiencias.

Para a simulación dos gases:

- xeo carbónico (xeo seco)
- auga

Para a simulación da lava:

- vinagre
- bicarbonato sódico
- colorante
- xabón

Animádevos a facelo na casa cos vosos peques. O dos gases é máis complicado, xa que o xeo é máis difícil de conseguir e ademáis hai que manipulalo con coidado, pero o da lava é moi sinxelo.

volcán

OS MEDIOS DE COMUNICACIÓN